Ungdommens kommunestyre (UKS) har fått seks søknader om tilskot der ungdomen i Fjell er målgruppe. UKS har 50 tusen kroner til disposisjon som kan delast ut i 2010 i to søknadsrundar. Den første fristen gjekk ut første mai, og det var då kome inn seks søknader med ein totalsum på 97 500 kroner pluss eit uspesifisert beløp.

UKS har vore aktiv blant ungdomsmiljøa for å få inn søknader. Ved sist tildeling kom det inn eín søknad, men denne gongen er interessa vesentleg større. Målsetjinga med ordninga med tilskot frå UKS er å stimulera til aktivitetar som er retta mot ungdom i Fjell med særskilt prioritering til aktivitetar som vert drivne av ungdom.

Det er møte i UKS torsdag 20. mai kl. 15.00. Dette vert eit reint "intervjumøte" der søkjarane er kalla inn til intervju for å få presentert søknadene sine.