I samsvar med § 27-2, nr. 3 i plan og bygningslova vert det med dette kunngjort at Fjell kommune har vedteke følgjande reguleringsplanar:
REGULERINGSPLAN FOR BUSTADER PÅ GNR 28, BNR 112 OG DEL AV BNR 7 PÅ SPJELD
Dokument i saka:
Planområdet er lokalisert på vestsida av Spjeldssundet like innanfor brua og har tilkomst frå eksisterande privat veg til Spjeld. Planen legg til rette for 10 nye bustader med tilhøyrande vegtilkomst og felles leikeareal. Det er lagt til rette for tilkomst til strandlina. Mykje av strandsona er avsett til friluftsområde.
Planen og vedtaket er utlagt i Servicetorget i Rådhuset på Straume.
Vedtaket kan påklagast til Fylkesmannen i Hordaland av den som er part i saka eller har rettsleg klageinteresse.
Klagefristen er 3 veker frå denne kunngjeringa. Klagen bør grunngjevast.
Eventuell klage vert å senda: Fjell kommune, Plan- og utbyggingssjefen, Postboks 184, 5342 Straume.
Når det gjeld verknaden av godkjend reguleringsplan eller utbyggingsplan vert det vist til § 31 i plan- og bygningslova. Planen er bindande for alle arbeid og tiltak som vert sett i verk innanfor planområdet. Krav om erstatning eller innløysing etter plan- og bygningslova §§ 32 og 42 må vera sett fram seinast 3 – tre - år etter denne kunngjeringa.
Det vert gjort merksam på reglane for innløysing, slik dei er fastsett i plan- og bygningslova § 42. Dette inneber m.a. at grunn kan krevjast innløyst. For fullstendig oversikt over reglane viser ein til plan- og bygningslova. Ein kan og venda seg til kommunen for utfyllande informasjon.
Plan- og utbyggingssjefen