I samsvar med § 27-2, nr. 3 i plan og bygningslova vert det med dette kunngjort at Fjell kommune har vedteke følgjande reguleringsplan:
Reguleringsplanen omfattar skuleområdet på Ågotnes der plasseringa av ny ungdomsskule med tilkomst og parkeringsanlegg er fastlagt. I tillegg er eksisterande helsesenter, barnehage, bussterminal, skule og idrettsanlegg teken med i planen.
Det vert lagt til rette for etablering av heilt ny tilkomst til den nye skulen og idrettsanlegga, med eiga av- og påstiging plass for skulebussar. Eksisterande tilkomst til dagens skuleområde vert nytta som tilkomst til helsesenteret og barnehage og barne- og ungdomsskulen.
Dokument i saka:
Planen og vedtaket i papirversjon er utlagt i Servicetorget i Rådhuset på Straume.
Vedtaket kan påklagast til Fylkesmannen i Hordaland av den som er part i saka eller har rettsleg klageinteresse.
Klagefristen er 3 veker frå denne kunngjeringa. Klagen bør grunngjevast.
Eventuell klage skal sendast til:
Fjell kommune,
Plan- og utbyggingssjefen,
Postboks 184,
5342 Straume.
Når det gjeld verknaden av godkjend reguleringsplan eller utbyggingsplan vert det vist til § 31 i plan- og bygningslova. Planen er bindande for alle arbeid og tiltak som vert sett i verk innanfor planområdet. Krav om erstatning eller innløysing etter plan- og bygningslova §§ 32 og 42 må vera sett fram seinast 3 – tre - år etter denne kunngjeringa.
Det vert gjort merksam på reglane for innløysing, slik dei er fastsett i plan- og bygningslova sin § 42. Dette inneber m.a. at grunn kan krevjast innløyst. For fullstendig oversikt over reglane viser ein til plan- og bygningslova. Ein kan og venda seg til kommunen for utfyllande informasjon.