Eigarseksjonering - eksisterande bygg

Generelt

Omtale

Eigarseksjonering er ein måte å dele opp eigarinteressene i ein eigedom på når vanleg tomtedeling er praktisk vanskeleg. Eigarseksjonering eignar seg mellom anna for oppdeling av bustadblokker og horisontaldelte to- og firemannsbustader. Ein eigarseksjon vil vere ei eiga juridisk eining som kan omsetjast og bli lånt på uavhengig av resten av eigedommen eller brukseiningane.

Målgruppe

Hus- og bygningseigarar.

Kriterium/vilkår

For å få etablert ein seksjon, må brukseininga (-ane) vere godkjende etter reglane i plan- og bygningslova for det føremålet eininga skal tene. Når det gjeld eksisterande bygningar, inneber dette at pålagde bygningsmessige tiltak må vere gjennomførte før seksjonering kan skje og ferdigattest.

Det må knytast einerett til bruk av brukseininga
Hovuddelen i brukseininga må vere ein klart avgrensa og samanhengjande del av ein bygning på eigedommen
Inndelinga må gje ei føremålstenleg avgrensing av kvar brukseining

Dersom ein skal seksjonera uteareal må ein teikne dette på eit situasjonskart 1:1000, der det går klårt fram kva som tilhøyrar seksjonane og fellesareal. Ein må påføra utmål frå t.d bygg til grense osv.

Om søknadsprosessen

Rettleiing - korleis få utført eller motta tenesta

Kommunen skal handsame saka . Ta difor kontakt med byggmester , konsulent eller andre profesjonelle aktører om du treng bistand med sjølve søknaden.

Se nettsiden til Statens bygningsteknisk etat.

Vedlegg

Skjema for seksjoneringsbegjæring

Planteikningar

Situasjonsplan - kart over eigedommen som skal seksjonerast

Vedtekter

Namneliste over dei som bur der

Søknadsfrist

Søknader blir behandla etter kvart som dei kjem inn.

Moglegheit til klage

Du kan klage på vedtaket innan tre veker frå du mottok vedtaket. Klaga sender du til den instansen som har gjort vedtaket. I klaga skal du føre opp kva du ønskjer endra og grunngje det. Kommunen vil kunne gje deg rettleiing.

Klageinstans er Fylkesmannen. Før klaga blir sendt dit, skal den instansen i kommunen som gjorde vedtaket, vurdere om det er grunn til å endre det. Dersom vedtaket blir ståande, vil saka bli sendt til Fylkesmannen.