Tilbod på tampen våren 2012
Vi har to kurs i jazzdans på kveldstid 8 tysdagar ut skuleåret. Begge kursa går i dansesalen på kulturskulehuset på Knarrvika.
1.-3. klasse: 18.45-19.15 (kurs 1)
4.-7. klasse: 19.15-19.45 (kurs 2)
Det kostar kr 500 å vere med på kurset.
Om kursa skriv læraren:
Kurs 1: Vi skal lære ein del grunnleggande dansesteg, og etter kvart prøve dei ut i enkle koreografiar.
Kurs 2: Med utgangspunkt i det elevane kan frå før, arbeider vi med grunnleggande teknikkar med tanke på å utvikle enkle koreografiar.
Søk på vanleg søknadsskjema.
Dei yngste 0–5 år
Musikk frå Livets Begynnelse er eit lekkert koldtbord for alle barna, heilt frå tidleg spebarnsstadiet. Songar, regler, dans, trommer, klokkespel og fløyte... her er det noko for alle, tilrettelagt etter alder og modning.
Dei aller minste har ei heil ny verd å utforske. Trygt saman med foreldre, besteforeldre eller annan ledsagar får dei stimulering for alle sansane i eit roleg, musisk miljø.
Etter kvart som barna veks til, ligg nye utfordringar og opplevingar på lur. Under kyndig leiing oppdagar dei rytme og tone, og utviklar evnene til å utforme sine eigne
musiske uttrykk, til å kjenne musikken i sjela si og la kroppen følge med!
Siste året i barnehagealder meistrar barnet stadig nye oppgåver medan fantasien får utløp i leik, rollespel, dans, spel og song. Undervisninga for 5–6-åringar er god førebuing for ev. seinare instrumentspel.
Frå hausten 2011 er tilbodet til førsteklassingane ikkje lenger med i Musikk frå Livets Begynnelse. Det blir ei eiga gruppe for 1.–3.-klassingar i Fjell kulturskulekor.
Elles melder du barnet på til Alle kursa 0–5 år, så finn vi den gruppa som passar best. Alle kursa 0–5 i Fjell går på kulturskulehuset på Knarrvika. I Sund er det no babysong for barn opp til 1 år med foreldre.
Kurs i Fjell, Sund og Øygarden
Vi tilbyr desse kursa i alle tre kommunane.
Storgruppekurs
Dersom det er plass, kan vi ta imot elevar frå andre kommunar også.
Kunst
frå 3. klasse • aldersdelte grupper
Grunnkurs i teikning, maling, grafikk i ulike teknikkar. Utforsk måtar å legge fram ditt personlege uttrykk!
Individuell undervisning
(ev. smågrupper: 2–4 elevar)
frå 7 år • Fiolin
frå 7 år • Rytmisk slagverk
frå 8 år • Gitar (akustisk)
frå 8 år • Piano
frå 8 år • Keyboard
frå 8 år • Drama/teater individuell
vidarekomne • El-gitar
vidarekomne • Bassgitar
vidarekomne • Klassisk gitar
Kurs i ein eller to kommunar
Storgruppekurs
Er du villig til å reise dit, kan du få undervisning i nabokommunen. Er det plass, kan vi ta imot elevar frå andre kommunar også.
Gruppeundervisning i SFO-tida
• Fjell og Øygarden 1.–4. klasse
• dans
• drama
• kunst
• musikk
• korps
med atterhald om nok søkarar på kvar skule.
Jazzdans
• Fjell – frå 2. klasse • Aldersdelte grupper
Nybyrjarar får bli glad i å danse gjennom grunnleggande teknikktrening og enkle dansetrinn. Vidarekomne får høve til å jobbe meir intensivt med koreografi og å smake på ulike stilar som hip-hop og streetjazz. Alle får arbeide mot sceneopptreden og forestillingar. Undervisning på Kulturskulehuset, Knarrvika.
• Sund – 8–12 år
Dansegruppe på Pollen.
Band
• Fjell – Bandsamspel i godt utstyrt øvingslokale på Knarrvika. Lærar med erfaring frå pop/rock/heavy m.m. gir rettleiing og inspirasjon.
• Sund – for dei som har spela ein del. Sund Rock Club på Glesvær.
Drama/teater
• Fjell og Øygarden
frå 3. klasse • aldersdelte grupper
Leik og rollespel, tekst, kostyme, sminke, maske, lys, lyd, sceneopptreden, maling, sying – alt som høyrer teaterverda til!
Kor
• Fjell
frå 1. klasse t.o.m. 19 år • 3 aldersdelte grupper
1.–3. klasse • Juniorkor I
4.–7. klasse • Juniorkor II
frå 8. klasse • Ungdomskor
Her får du utvikle stemma di og få rutine i alt som høyrer med i å synge i kor. Vi får opptre på konsert i og utanfor kommunen, delta på seminar og reise på tur i inn- og utland!
for vaksne med spesielle behov • Koret Fjelltrall kan ta inn vaksne med språk frå alle kommunane. Fjell kulturhus, måndag 12.30–14.15.
Korps
• Fjell
frå 3. klasse • Opplæring i korpsinstrument i samarbeid med skulekorpsa i Fjell. Somme korps tar inn frå 2. klasse.
Musikkterapi
• Fjell – med nok søkarar Sund, Øygarden
frå 1. klasse • for barn og unge med spesielle behov. På Kulturskulehuset, Knarrvika.
Fjell og Sund
frå 10 år • Song
Fjell og Øygarden
frå 8 år • Trekkspel
Fjell
frå 0 år • Musikkterapi individuell
frå 8 år • Hardingfele
frå 8 år • Klarinett
frå 8 år • Kyrkjeorgel
frå 8 år • Tverrfløyte
Sund
3–9 mnd • Babysong (10 veker, kr 500)
frå 8 år • Latinperkusjon (Sund skule, Klokkarvik) vidarekomne
Administrasjon
Fjell kulturskule administrerer elevinntaket i kulturskulane i Fjell, Sund og Øygarden. Eventuelle spørsmål om kulturskulen i din kommune kan rettast til Fjell kulturskule.
Skuleåret
Skuleåret er på 38 veker. I Sund og Øygarden følger kulturskulen skuleruta for grunnskulen; i Fjell har kulturskulen eiga skulerute.
Instrument
Alle instrumentalelevar må ha øvingsinstrument, og må rekne med å øve regelmessig for å oppleve framgang. Vi har nokre tverrfløyter og fiolinar til leige. Sjå tabell for prisar.
Kommunikasjon
Vi brukar SMS-meldingar til å seie frå om timar som blir flytta, avlyst o.l. Difor er det særs viktig at du syter for at kulturskulen alltid har det mobilnummeret du brukar. Vi sender også meldingar pr. e-post. Hugs å informere oss dersom du får ei ny e-postadresse.
Fjell kulturskulekor
I tillegg til kulturskulekontingenten kjem medlemskontingent i koret, for tida kr 100
