Bruk av olje til oppvarming står for vesentlege klimagassutslepp i kommunen. Skal vi unngå alvorlige klimaendringar, må utsleppa reduserast. For å gjera det enklare for deg å velja andre oppvarmingsløysingar, har kommunen i samarbeid med Naturvernforbundet, Bergen kommune og BKK sett i gang prosjektet oljefri.no.

Ved å bytte ut den oljefyrte eldstaden din, vil du redusere klimagassutslepp med rundt 3000 kg i året. Dette tilsvarer gjennomsnittleg bilbruk i eitt år. Om du samstundes etterisolerer bustaden og reduserer energiforbruket, vil effekten bli enda større. Samla kan kommunen redusera klimagassutslepp med mange tonn CO2.

Høge oljeprisar gjer at oljefyring er minst like kostbart som elektrisk oppvarming. Eldre anlegg utnyttar varmen dårleg. Dessutan er faren for lekkasjar i oljetanken stor. Som eigar  er du ansvarleg dersom lekkasjar oppstår, med dei miljømessige og økonomiske konsekvensane dette inneber. Å fjerna oljefyrte anlegg og eldstader kan derfor vera ei lønsam investering på mange måtar.

Husstandar med eldre parafin- og oljefyrte anlegg.

Vrakpantordning

Fjell kommune har innført vrakpantordning for gamle parafin- og oljeomnar som eit klimatiltak for å redusere utslepp av karbondiosid (Co2), svoveldioksid (So2)og nitrogenoksid (NOx).  Tiltaket er i samsvar med den statlege målsetjinga om å redusere utslepp av skadelege klimagassar til atmosfæren.  Utslepp frå eldre parafin- og oljeomnar er med på forsuring av jordsmonnet gjennom sur nedbør, noko som er svært skadeleg for naturmiljøet.

Fjell kommune løyver frå 2010 t.o.m. 2012 kvart år kr 100 000,- til utskifting av gamle parafin- og oljekaminar med anna miljøvennleg teknologi eller energi.  Det vil sei at du kan få vrakpant ved å skifte ut til reintbrennande vedomn, pelletsomn, etterbrennar ( der dette er hensiktsmessig) eller tilknyting til fjernvarme.  Ordninga gjeld for heile kommunen.

Vrakpanten er på kr. 5.000,-

Vedomnar er ikkje med i vrakpantordninga hos oss slik det var i Bergen.  Grunnen er naturgitte tilhøve og topografi førar til at vedfyring ikkje er eit helseproblem i Fjell kommune. Vedfyring og svevestøv er mellom anna ein stor utfordring for Bergen med næraste omegn.

Slik går du fram:
Ønskjer du å nytte deg av tilbodet, er prosedyren som følgjer:

• Tilbodet gjeld berre eldstader som er skifta ut etter 20.august 2011
• All dokumentasjon* må vere innsendt kommunen kvart år innan 01.12.
• Berre dei som har parafin- og oljefyrt eldstad som ikkje er reintbrennande kan delta
• Dei første 20 blir tildelt vrakpant.  Andre må vente til året etter
• Fyll ut søknadsskjemaet og legg ved dokumentasjon for utført utskifting. Signer dette og send til oss snarast

* Dokumentasjon skal vere i form av kopi av faktura eller annan dokumentasjon frå godkjent installatør som stadfestar at arbeidet er sluttført etter 20.august 2010.  For dei som har utført arbeidet sjølv må murar, feiar, varmeforhandlar eller annan med godkjent kompetanse dokumentere at arbeidet er forskriftsmessig utført.

Dersom du vel å skifte ut til reintbrennande vedomn vil eldstadforhandlaren kjenne til den vidare prosedyren for at eldstaden blir montert forskriftsmessig og vrakpant kan betalast ut.  Det er svært viktig at den einskilde bidrar og gjer sitt for å redusere luftforureininga.