Tenesta består i dag av fleire ulike tilbod som heimeteneste i frå Psykiatrisk team, Psykiatrisk dagsenter med ulike aktivitetar, bustad, støttekontakt. Det finnes eit Psykisk Helseteam for barn og unge. Og ein har tett samarbeid med Mental Helse og Pårørande gruppa innan psykiatri.

Psykiatrisk team

Psykiatrisk team består av fem personar, alle med spesialkunnskap om psykiske lidingar. Tenesta er eit lågterskeltilbod, dvs at det er mogleg å ta kontakt utan henvisning frå lege. Vi tilbyr individuelt tilpassa opplegg etter nærare vurdering. Det kan vere hjelp til å koma i gang med livet igjen, finne sosiale aktivitetar, følgje på veien inn til NAV, råd og rettleiing, både til den sjuke og til pårørande, hjelp til medisinhandtering, individuell plan med meir.

Alle som har tiltak frå psykiatrisk teneste, får tilbod om ein kontaktperson i psykiatrisk team. Tenesta er eit frivillig tilbod. Det er eigne søknadsskjema som ein kan nytta.

Psykiatrisk dagsenter

Dagsenteret er eit aktivitetstilbod til menneske med psykiske lidingar. På dagsenteret er det sosialt samvær med fokus på ulike aktivitetar. På dagsenteret gjev vi tilbod ut frå dei behova og interessene den einskilde har, i samarbeid med kontaktperson i psyk.team.

Psykiatribustad

Fjell kommune har bygd omsorgsbustadar for menneske med psykiske lidingar. Det er behovsprøvd og ein må søkje om plass på Fjell kommune sine søkandsskjema for heimeteneter.

Støttekontakt

Er ei teneste for menneske som ynskjer å koma seg ut av isolasjonen, og er særleg retta mot fritidsaktivitetar. Ein kan søkje om denne tensta - søknadsskjema for støttekontakt.

Psykisk Helseteam for barn og unge

Har fleire ulike tilbod.

Heimebuande menneske med psykiske lidingar.

Du må opphalde deg i kommunen. Søknaden blir vurdert opp mot ditt behov for tenesta. Psykiatrisk dagsenter er også eit tilbod for innbyggjarar i Øygarden kommune.