Justeringar vedtekne i Komité for drift 11.11.2008

INNHALD
I    HOVUDMÅLSETJINGANE FOR BRUK AV TILSKOTSORDNINGANE
II   GENERELLE RETNINGSLINER
III  FASTE TILSKOTSORDNINGAR
IV  ANDRE TILSKOTSORDNINGAR

I   HOVUDMÅLSETJINGANE FOR BRUK AV TILSKOTSORDNINGANE

• Sikra eksisterande kulturaktivitetar – støtte til nye kulturtiltak – utvikle kulturlivet
• Midlane skal prioriterast til tiltak for born og ungdom
• Stimulera til aktivitet og dugnad

II  GENERELLE RETNINGSLINER
Kommunale tilskot til kultur, kunst og idrettsarbeid kan gjevast til personar, organisasjonar  eller institusjonar som har hovuddelen av si verksemd  i Fjell kommune og til samarbeidstiltak mellom Fjell og kommunar det er naturleg å samarbeida med.

Unnateke frå tilskot er kommersielle tiltak, og organisasjonar som har til oppgåve å ta seg av yrkes- og/eller økonomiske interesser til medlemane. Unnateke er også driftstilskot til politiske lag og organisasjonar.

Saksbehandling:
Det skal søkjast på eige søknadsskjema som ligg på kommunen sine nettsider (eller skjema kan hentast i skranken på rådhuset). Søkjar må gje dei opplysningar som det vert bede om på søknadsskjemaet. Søknad skal sendast til Fjell kommune, servicetorgsjefen.

Mangelfulle søknader:
For seint innkomne søknader,  søknader som ikkje er skrive på søknadskjema eller søknader som manglar naudsynte opplysningar, vert ikkje handsama.
Retningslinene for kvar einskild tilskotsordning viser til kva opplysningar og kva dokumentasjon som skal leggjast ved søknaden. Ved feilinformasjon og overtreding av gjeldande retningsliner, kan høve til å søkje tilskot falle bort i inntil 2 år.

Søknader om tilskot til idrett og musikkaktivitetar vert vurdert og prioritert saman med Fjell Idrettsråd og Fjell Musikkråd.

Vedtak om løyvde tilskot er gjeldande det året vedtaket vert gjort og påfølgande kalenderår.

III  FASTE TILSKOTSORDNINGAR
Politisk utvalde kulturprosjekt som gjennom politisk budsjettløyving kjem inn på den faste tilskotsordninga. Stønadsordninga er retta mot organisasjonar som driv omfattande kulturarbeid over tid. Primært skal ordninga rettast mot organisasjonar som har heilårsdrift. Stønad kan og gjevast til omfattande kulturprosjekt som har vore i drift i meir enn tre år.

Faste tilskotsordningar vert vurdert av komité for drift kvart år.

IV  ANDRE TILSKOTSORDNINGAR

1. Tilskot til drift av lag og organisasjonar
2. Kulturprisen
3. Kulturstipend
4. Idrettsstipend
5. Elitestipend
6. Tilskot til kunstnarleg verksemd eller etablering
7. Tilskot til oppstart og utvikling av lag og organisasjonar
8. Trivselsmidlar
9. Ingen
10. Tilskot til vedlikehald og etablering av private kulturbygg og idrettsanlegg
11. Tilskot til materiell og utstyr
12. Tilskot til vern av kulturminne
13. Tilskot til humanitære organisasjonar
14. Tilskot til personar med nedsett funksjonsevne
15. Andre tilskot

Dirigentstønad vert utbetalt over lønsbudsjettet til kulturskulen.

Gratis bruk av kommunale bygg, idrettshallar og idrettsanlegg til ordinært lagsarbeid. Unnateke er symjehallar og Fjell kulturhus. Kommunen kjøper treningstid i Bibelskulen.

Storleiken på tilskot til fordeling innan dei ulike tilskotsordningane vert fastsett kvart år i budsjettet.

Enkeltutbetalingar vert avrunda til heile hundre kroner.

Retningslinene gjeld frå 01.01.07.

1. TILSKOT TIL DRIFT AV LAG OG ORGANISASJONAR
Beskriving av ordninga
Driftstilskot vert gjeve til organisasjonar som har hovuddelen av si verksemd i Fjell kommune. Tildelinga skjer etter eigne retningsliner på grunnlag av medlemstal, tal på undergrupper, revidert regnskap og årsrapport. Søknader frå Idrettslag som er medlem av Fjell Idrettsråd og song- og musikklag som er medlem av Fjell Musikkråd, vert vurdert og prioritert av høvesvis Fjell Idrettsråd og Fjell Musikkråd.

Til fordeling: kr 739.000,-
Søknadane vert handsama administrativt, med bakgrunn i særlege retningsliner/fordelingsnøklar     
Søknadsfrist: 1. april.

Retningsliner
Idrettslag (kr. 325.000,-)

Alle organisasjonar som er medlem i Fjell Idrettsråd (FIR) får eit grunnbeløp som for tida er på kroner 4 000 i tillegg til ein sum pr medlem. Dei organisasjonane som ikkje er medlem i FIR får berre grunnbeløpet og tal på medlemmer vert med andre ord ikkje vektlagt.

Summen av tilskotet vert utrekna ut i frå tal på medlemer som er innrapportert til Hordaland Idrettskrets (HIK).

Tal på medlemer under 20 år vert vekta med 80%.
Medlemer over 20 år vert vekta med 20%.

FIR som paraplyorganisasjon får også eit grunnbeløp, som for tida er kr. 40 000,- (dette vert tildelt frå den totale potten som er sett av til idrettslag).

Kommunen står for utbetaling av midlane.

Song og musikk/Andre
(til saman kr. 414.000,- der kr. 65.000,- er øyremerka barn/unge)

Korps;
Inntil 20 medl. - grunnbeløp kr 10.000,- - pluss kr 50,- pr medlem
Inntil 40 medl. - grunnbeløp kr 15.000,- - pluss kr 50,- pr medlem
Over 40 medl. - grunnbeløp kr 20.000,- - pluss kr 50,- pr medlem

Kor og andre musikklag;
Grunnbeløp kr 2.000,- - pluss kr 50,- pr medlem

Kor og musikklag med eigne instrumentgrupper kan søkje om tilskot over ordning nr 11: Tilskot til materiell og utstyr.

Andre
Barne- og ungdomslag;
Dette er ein samle kategori for ulike lag og organisasjonar som i hovudsak driv arbeid og aktivitetar for barn og ungdom i kommunen. Desse laga får kr 3.000,- i tilskot til drift.

Samlingshus;
Kr. 2.000,- pr søkjar.

Ymse;
Dette er ein samle kategori for ulike lag med aktivitetar for vaksne. Desse laga får kr 2.000,- i tilskot til drift.

Generelt
Saman med søknaden skal det fylgja:

• revidert rekneskap for siste år
• årsmelding
• budsjett for søknadsåret
• bankkontonummer, og namn og adresse på kasserar
• eventuell utfyllande informasjon

Administrativt vedtak skal leggjast fram for komité for drift til orientering.

2. KULTURPRISEN

Beskriving av ordninga
Kulturprisen skal vera til heider og stimulans for det lokale kulturlivet, og kan delast ut til kunstnarar, kulturarbeidarar eller lag med tilknyting til Fjell kommune. Prisen vert gjeven til einskildpersonar eller lag, som gjennom ekstraordinært arbeid har synt trufast innsats innan kulturlivet i kommunen, og/eller for konkrete tiltak/initiativ, eller til nokon som har gått nye vegar innan kultursektoren i kommunen. Kulturprisen tildeles etter eigne retningsliner og lysast ut i lokale media.

Til fordeling: 10.000,-
Prisen tildeles av komité for drift     
Frist for forslag: 1. oktober

Retningsliner
Til heider og stimulans for det lokale kulturlivet kan ein årleg kulturpris delast ut til kunstnarar,  kulturarbeidarar eller lag med tilknyting til Fjell kommune. 

1. For å få innspel til kandidatar skal prisen lysast ut i god tid på Fjell kommune sine nettsider og i VestNytt. Komité for drift kan og koma med framlegg til kandidatar.
2. Komité for drift gjer endeleg vedtak om kven prisen skal gå til.  Komité for drift vedtek år for år om det skal delast ut nokon pris. Midlar kan ikkje overførast frå eit år til eit nytt år.
3. Kulturprisen vert gjeven til einskildpersonar eller lag som gjennom ekstraordinært arbeid har synt trufast innsats innan kulturlivet i kommunen,  og/eller for konkrete tiltak/initiativ eller til nokon som har gått nye vegar innan kultursektoren i kommunen
4. Kulturprisen skal vera ei pengegåve. I tillegg vert det gjeve eit diplom og eit kunstverk til ein verdi opp til kr. 2.000,-.

 3. KULTURSTIPEND

Beskriving av ordninga
Stipendet kan delast til.

• bildande kunstnarar, kunsthandverkarar, musikarar, songarar, skodespelarar, journalistar, forfattarar, dansarar, filmskaparar og liknande
• personar som har utmerkt seg særleg innan kunstnarleg verksemd
• personar under kunstnarleg utdanning

Stipendet kan brukast til bestemte arbeidsoppgåver, studiereiser, etablering eller utdanning, og kan søkast av enkeltpersonar eller grupper busett i eller med tilknyting til Fjell kommune.

Til fordeling: kr 20.000,-
Søknadane vert handsama av komité for drift    
Søknadsfrist: 1. oktober

Retningsliner

1. Komité for drift kan kvart år dele ut eitt eller fleire kulturstipend innafor rammene av dei midlar som vert stilt til disposisjon til dette føremålet i kommunen sitt budsjett.
   For å få innspel til kandidatar skal prisen lysast ut i god tid på Fjell kommune sine nettsider og i VestNytt.
2. Stipend kan delast til:a. Bildande kunstnarar, kunsthandverkarar, musikarar, songarar, skodespelarar, filmarbeidarar, journalistar, forfattarar, dansarar og liknande.
   b. Personar som har utmerkt seg særleg innan kunstnarleg verksemd.
   c. Personar under kunstnarleg utdanning.
3. Stipenda kan brukast til bestemte arbeidsoppgåver, studiereiser, etablering eller utdanning.
4. Stipend vert gjeve til personar busette i – eller med tilknyting til – Fjell kommune.
5. Tildeling av stipend skjer etter søknad. Søknad skal innehalde ei grunngjeving og ein plan for bruk av stipendet. Søkjarar må opplyse om tilknyting til Fjell kommune og om andre stipend dei eventuelt har motteke dei siste 4 åra.
6. Stipendet må vera påbyrja innan eitt år etter tildelinga. Personar som får stipend, må gje skriftleg rapport til kommunen innan 2 månader etter at stipendet er brukt.

4. IDRETTSSTIPEND

Beskriving av ordninga
Stipendet kan delast til idrettsutøvar som representerer idretten i Fjell kommune på ein talentfull og positiv måte. Medlemer frå lag utanom kommunen kan verta vurdert dersom dei er busette i Fjell og driv med ein idrett, eller på eit nivå, som ein ikkje finn i organiserte former i vår kommune. Idrettsstipendet skal lysast ut i på Fjell kommune sine nettsider og i lokalavisa VestNytt og tildelast etter eigne retningsliner.

Til fordeling: kr 20.000,-
Søknadane vert handsama av komité for drift
Søknadsfrist: 1. oktober

Retningsliner

1. Komité for drift kan kvart år dele ut eitt eller fleire idrettsstipend innafor rammene av dei midlar som vert stilt til disposisjon til dette føremålet i kommunen sitt budsjett. Idrettsstipendet skal lysast ut på Fjell kommune si nettside og i lokalavisa VestNytt med søknadsfrist 1. september.
2. Stipend kan delast til idrettsutøvarar som representerer idretten i Fjell kommune på ein talentfull og positiv måte. Medlemer frå lag utanom kommunen kan verta vurdert dersom dei er busette i eller med tilnyting til Fjell og driv med ein idrett, eller på eit nivå, som ein ikkje finn i organiserte former i vår kommune.
3. Stipendet kan brukast til vidareutvikling av idrettsengasjementet, som t.d deltaking i meisterskap, treningsopphald og innkjøp av spesialutstyr.
4. Stipend vert gjeve til personar busette i – eller med tilknyting til – Fjell kommune.
5. Tildeling av stipend skjer etter søknad. Søknad skal innehalde ei grunngjeving og ein plan for bruk av stipendet. Søkjarar må opplyse om andre stipend dei har motteke dei siste 4 åra.
6. Stipendet må vera påbyrja innan eitt år etter tildelinga. Personar som får stipend, må gje skriftleg rapport til kommunen innan 2 månader etter at stipendet er brukt.

5. ELITESTIPEND

Beskriving av ordninga
Stipendet skal delast til ein eller fleire personar busett i eller med tilnyting til Fjell kommune, som kan visa til særleg gode resultat på nasjonalt og/eller internasjonalt nivå innan kultur eller idrett. Elitestipendet skal lysast ut i på Fjell kommune sine nettsider og i lokalavisa VestNytt og tildelast etter eigne retningsliner.

Til fordeling: kr 30.000,-
Søknadane vert handsama av komité for drift
Søknadsfrist: 1. oktober

Retningsliner

1. Komité for drift kan kvart år dele ut eitt eller fleire elitestipend innafor rammene av dei midlar som vert stilt til disposisjon til dette føremålet i kommunen sitt budsjett.
   Elitestipendet skal lysast ut på Fjell kommune sine nettsider og i lokalavisa VestNytt med søknadsfrist 1. september.
2. Stipendet kan delast ut til eliteutøvarar som representerer Fjell kommune på ein talentfull og positiv måte. Medlemer frå lag utanom kommunen kan verta vurdert dersom dei har sterk tilknyting til Fjell og driv med utøving på eit høgt nivå,  som ein ikkje finn  i organiserte former i vår kommune.
3. Tildeling av stipend skjer etter søknad. Søknad skal innehalde ei grunngjeving og ein plan for bruk av stipendet. 
4. Stipendet må vera påbyrja innan eitt år etter tildelinga. Personar som får stipend, må gje skriftleg rapport til kommunen innan 2 månader etter at stipendet er brukt.

6. TILSKOT TIL KUNSTNARLEG VERKSEMD ELLER ETABLERING

Beskriving av ordninga
Kan tildelast profesjonelle/semiprofesjonelle kunstnarar som ynskjer å etablera eiga verksemd. Ordninga kan og omfatte prosjekter og eigne satsingar i høve kunstnarleg verksemd. Søkjarane må vere busett eller ha tilknyting til Fjell kommune.

Til fordeling: kr 20.000,-
Søknadane vert handsama av komité for drift
Søknadsfrist: 1. april og 1. oktober

Ingen særskilte retningsliner, men saman med søknaden skal det fylgja:

• skildring av verksemda/prosjektet
• inntekts- og  kostnadsplan
• marknadsføringsplan

7. TILSKOT TIL OPPSTART OG UTVIKLING AV LAG OG ORGANISASJONAR   

Beskriving av ordninga
Oppstartstilskot (kr. 20.000,-)
Søknad om oppstartstilskot for etablering av nye lag i Fjell kommune skal fremjast seinast seks månader etter skipingsdatoen. Reorganiserte lag/organisasjonar vert å sjå som nyskapa når verksemda vert teken opp att etter minst 5 år. Laget må ha minst 10 medlemer.

Retningsliner
Søknad om oppstartstilskot skal fremjast seinast 6 månader etter skipingsdatoen. Saman med søknaden skal det følgja:

• skildring av verksemda
• vedtekter
• styresamansetjing

Kvar søkjar kan få inntil kr 5.000,- i støtte.

Utviklingstilskot (kr. 25.000,-)
Utviklingstilskotet, som til dømes kan brukast til kurs og spesiell opplæring, vert tildelt for å stimulera og styrka kompetansen i dei eksisterande laga.

Retningsliner
Søknad om utviklingstilskot kan fremjast heile året og med søknad må følgja:

• skildring av verksemda
• skildring av tiltaket
• kostnadsoverslag

Tildelte midlar vert utbetalt etter faktura eventuelt kopi av bestilling.

Til fordeling: kr 45.000,- delt likt mellom dei to ordningane
Søknadane vert handsama administrativt   
Søknadsfrist: heile året

8. TRIVSELSMIDLAR

Beskriving av ordninga

Til fordeling: kr 310.000,-
Søknadsfrist: 1. april og 1. oktober

• Tilskot til sosiale tiltak i nærmiljøet
  Midlane skal stimulera til sosiale aktivitetar og arrangement i velforeiningar og grendelag i Fjell kommune, men skal ikkje gå til dekning av ordinære driftsutgifter eller til faste  arrangement t.d juletrefest, jonsokfeiring. Tilskotet vert i hovudsak gjeve etterskotsvis etter innleverte rekneskap og dokumenterte kostnader frå eigarane.
• Tilskot til nærmiljøanlegg
  Midlane skal stimulera til fysisk utbetring/vedlikehald av nærmiljøanlegg, til dømes ballbingar, turløyper og liknande. Det skal vurderast om tiltaket også kan gje grunnlag for statlege tilskot.
  Tilskot til nærmiljøanlegg føreset eigeninnsats, mellom anna i form av dugnad.  Prosjektplan og plan for fullfinansiering må leggjast ved søknaden.
  Ingen særskilte retningsliner for punkt a) nærmiljøtiltak og b) nærmiljøanlegg men saman med søknaden skal det fylgja:
  - skildring av tiltaket, som prosjektplan og plan for fullfinansiering
  - revidert rekneskap for siste år
  - årsmelding
  - budsjett for søknadsåret
  - bankkontonummer, og namn og adresse på kasserar
  - eventuell utfyllande informasjon
  Tilskotet vert i hovudsak gjeve etterskotsvis etter innleverte rekneskap og dokumenterte kostnader frå eigarane.
• Tilskot til leikeplassar
  Midlane skal nyttast til vedlikehald på eksisterande leikeplassar, eller etablering av nye
  leikeplassar. Midlane kan også nyttast til kjøp av leikeutstyr.

Retningsliner for tilskot til leikeplassar

1. Tilskotet skal i hovudsak gå til nyetablering av leikeplassar, men kan også gjevast til fornying av eldre leikeplassar og utstyr.
2. Minst 60 % av midlane går til nye leikeplassar, resterande 40 %, kan gå til fornying av eldre leikeplassar eller utstyr.
3. Nye leikeplassar får dekka inntil 1/3 av kostnadane. Fornying av eldre leikeplassar og utstyr får inntil 1/3 av kostnadane, men ikkje meir enn kr 10.000,-.
4. Nytt tilskot kan ikkje påreknast for same leikeplass før etter 3 år.
5. Revidert rekneskap og melding om utført arbeid skal sendast til Fjell kommune, innan 1. april året etter tilskotet er gjeve. Komite for drift får dette til orientering.
6. Tildelinga vert gjort under føresetnad av at dei statlege retningslinene for tryggleik på leikeplassane, er følgd.

Med søknaden skal det følgje:
- godkjente planteikningar og kostnadsoverslag
- revidert rekneskap for siste år
- årsmelding
- budsjett for søknadsåret
- bankkontonummer, og namn og adresse på kasserar
- eventuell utfyllande informasjon

Tilskotet vert i hovudsak gjeve etterskotsvis etter innleverte rekneskap og dokumenterte kostnader frå eigarane.

9. Ordninga er gått ut.

10. TILSKOT TIL VEDLIKEHALD AV PRIVATE  KULTURBYGG OG IDRETTSANLEGG

Gjeld for alle privateigde forsamlingshus og idrettsanlegg.
Vedlikehald vert definert som naudsynt førefallande arbeid på hus og anlegg. Vedlikehaldsordninga gjeld ikkje for investeringar/påkostingar utover det som fell inn under punkt 10 c.

Til fordeling: kr 400 000,-

Søknadsfrist 1. oktober

Retningsliner
10 a) Vedlikehaldsstønad. private idrettsanlegg.

Gjeld for alle idrettsanlegg; fotball, båt, dykking, skyteanlegg, mv., men ikkje nærmiljøanlegg som ballbingar (jfr ordning 8b)

• Stønad til drift av privateigde idrettsanlegg innafor heile anleggskategorien.
• Vedlikehaldsordninga gjeld ikkje for investeringar knytt til anlegga.
• Vedlikehald vert definert som naudsynt førefallande arbeid på anlegga.
• Tilskotet vert gjeve etterskotsvis av innleverte rekneskap og dokumenterte kostnader frå eigarane.
• idrettsanlegget får dekka inntil halvparten av total kostnaden på vedlikehaldet

Søknadane vert handsama av Fjell Idrettsråd, og saman med søknaden skal det fylgja:

• prosjektskildring med teikningar
• finansieringsplan
• revidert rekneskap for siste år
• årsmelding
• budsjett for søknadsåret
• bankkontonummer, og namn og adresse på kasserar
• eventuell utfyllande informasjon

Vedtak om fordeling i Fjell idrettsråd skal leggjast fram for komitè for drift til etterretning.

10 b) Vedlikehaldsstønad for private kulturbygg.

Gjeld for samtlege privateigde forsamlingshus, allaktivitetshus, grendahus, bedehus,
 losjehus, samfunnshus som er opne for ålmenta.
 

• Vedlikehaldsordninga gjeld ikkje for investeringar knytt til husa.
• Vedlikehald vert definert som naudsynt førefallande arbeid på husa.
• Etterskots utbetaling ved innlevert rekneskap og dokumenterte kostnader.
• kulturbygget får dekka inntil halvparten av total kostnaden på vedlikehaldet

  
Saman med søknaden skal det fylgja:

• prosjektskildring med teikningar
• finansieringsplan
• revidert rekneskap for siste år
• årsmelding
• budsjett for søknadsåret
• bankkontonummer, og namn og adresse på kasserar
• eventuell utfyllande informasjon

Søknader vert handsama av komité for drift.

10 c) Tilskot til miljøsparande tiltak til private kulturbygg og idrettsanlegg. 

Saman med søknaden skal det fylgja:

• prosjektskildring med teikningar.
• finansieringsplan.
• bankkontonummer, og namn og adresse på kasserar.
• eventuell utfyllande informasjon.

Tilskotet gjeld miljøsparande tiltak som t.d. montering av varmepumpe, utbering av avfallssystem, installering av sparedusj m.m.
Tiltaka må ha som mål å spara miljøet, redusere driftskostnader og spare vedlikehald.
Søkjar kan få dekka inntil halvparten av totalkostnaden. Eventuelle tilskot vert betalt ut etterskotsvis mot dokumenterte utgifter.

11. TILSKOT TIL MATERIELL OG UTSTYR

Beskriving av ordninga
Det kan gjevast tilskot til innkjøp av aktivitetsmateriell og utstyr som er naudsynt for vidare drift/utvikling av frivillige lag/tiltak. Tilskot kan gjevast med inntil 1/3 av totalkostnaden, maksimalt kr. 15.000.

Søknadane vert handsama av komité for drift   
Til fordeling: 50.000,-
Søknadsfrist 1. oktober

Retningsliner
Saman med søknaden skal det følgje:

• oversikt over totalkostnad. NB: Det er totalkostnad som skal førast som søknadssum.
• kopi av bestilling/faktura.
• grunngjeving av behov for innkjøp.

12. TILSKOT TIL VERN AV KULTURMINNE

Beskriving av ordninga
Midlane skal gå til

• prosjekt/objekt som er freda, fredingsverdige og verneverdige
• kulturlandskap, heilskapslege miljø, utmarksobjekt
• kulturhistoriske emne

Til fordeling: kr 125.000,-
Søknadane vert handsama av komité for drift
Søknadsfrist: 1. april

Retningsliner
Saman med søknaden skal det fylgja:

• prosjektskildring med teikningar
• finansieringsplan
• eventuell utfyllande informasjon

Kommunen kan be om tilleggsinformasjon.

 13. TILSKOT TIL HUMANITÆRE ORGANISASJONAR

Beskriving av ordninga
Gjeld for nasjonale/regionale hjelpeorganisasjonar med hovudføremål å drive opne sosiale og førebyggjande tiltak/tilbod i regionen. Særleg skal tilskotsordninga freista å støtte tilbod som rettar seg mot særskilde målgrupper i kommunen. Målgruppa skal ikkje vere medlemsbasert. Det bør leggjast vekt på om dette er tiltak/teneste som er etablerte i kommunen.

Til fordeling: kr 100.000,-    
Søknadane vert handsama av komité for drift   
Søknadsfrist 1. oktober

Retningsliner
Saman med søknaden skal det fylgja:

• budsjett for søknadsåret
• rekneskap for siste år
• årsmelding og vedtekter

14. TILSKOT TIL PERSONAR MED NEDSETT FUNKSJONSEVNE

Gjeld i første rekke for kultur- /fritidstiltak og tilskipingar for målgruppa

Til fordeling: kr 25.000,-    
Søknadane vert handsama administrativt av sosialsjefen   

15. ANDRE TILSKOT

Ein tilleggspott for søknader som ikkje kjem inn under dei etablerte ordningane. Her kan ein t.d. søke om tilskot til større enkeltståande arrangement innan idrett, kultur og friluftsliv.

Til fordeling: kr. 50.000,-
Søknadane vert handsama av komité for drift
Søknadsfrist: heile året

Saman med søknaden skal det fylgja;

• prosjektbeskriving
• budsjett og finansieringsplan
• Namn på kontaktpersonar. Tlf.nr og e-post.
• Kontonummer